مانگرتنی مامۆستا و مووچەخۆران لە سلێمانی پێدەنێتە رۆژی دووەمەوە و نوێنەرێكیان دەڵێت، بڕیارە ئەمڕۆ وەفدی نەتەوە یەكگرتووەكان سەردانیان بكات.
دڵشاد میرانی، یەكێك لە نوێنەرانی مامۆستایانی ناڕازی و بەشداربووی مانگرتنەكە لە لێدوانێکیدا بۆ تۆڕی میدیایی ئێستا رایگەیاند، ئیرادەی مامۆستایان زۆر باشە و ماوەی دوو رۆژە مامۆستایان ململانێ لەگەڵ برسێتی و سەرما و رەشەبادا دەکەن.
وتیشی، “ئەمڕۆ بێت یان سبەی بڕیارەکانی دادگای فیدراڵی جێبەجێدەکرێن، چونکە پێویستە مووچەی فەرمانبەران لە بەرداشی حکومەتی هەرێم و عێراق بێتەدەرەوە”.
