بۆ یەکەم جار، هێزە دەریاوانییەکانی بەریتانیا ژمارەیەک کۆچبەریان گەڕانەوە بۆ خاکی فەرەنسا دوای ئەوەی لە کەناڵی ئینگلیزدا رزگارکران و دەزگای لوتکە بۆ کاروباری ئاوارە و پەنابەران دەڵێت، “ئەمە یەکەم جارە شتێکی لەو جۆرە رووبدات”.
دەزگای لوتکە بۆ کاروباری ئاوەرە و پەنابەران دەڵێت، ژمارەی ئەو کەسانەی گەڕێندراونەتەوە فەرەنسا، 13 کۆچبەر بوون و لەناو ئاوی کەناڵی ئینگلیزدا تووشی کێشە بووبوون.
ئاماژەی بەوەشکردووە، هێزە دەریاوانییەکانی بەریتانیا کۆچبەرەکانیان گەڕاندەوە بۆ فەرەنسا بە هەمان ئاڕاستە و تا ئێستا هیچ زانیارییەکیان لەو بارەیەوە بڵاونەکردووەتەوە، و بە یەکەم رووداو دادەنرێت لە جۆری خۆیدا لە بەریتانیا.
