بەهای نەوت دەستی بە بوژانەوە كرد و ڕۆژێكی باشی بەڕێكرد

 بەهای نەوتی خاو ئەمرۆ سێشەممە 24ی تشرینی دووەم بەشێوەیەكی بەرچاو بەرزبوونەوەی بەخۆیەوە بینی، نرخی یەك بەرمیل نەوتی خاوی برێنت لە سەرووی 47 دۆلارەوەیە.

بەهای یەك بەرمیل نەوتی خاوی برێنت هاوكاتی بڵاوكردنەوەی ئەم هەواڵە، بەرامبەرە بە 47 دۆلار و 69 سەنت، ئەوەش لەكاتێكدایە هەر لە ئەمڕۆدا 3.63% بەهاكەی بەرزبووەتەوە.

هەروەها بەهای یەك بەرمیل نەوتی خاوی ڕۆژئاوای تەكساس (ئەمریكا) بەرامبەرە بە 44 دۆلار و 96 سەنت و تەنها لە ئەمڕۆدا بەهاكەی بە ڕێژەی 4.37% بەرزبوونەوەی بەخۆیەوە بینیووە.

ئەو لەكاتێكدایە لە مانگی ئازاری ئەمساڵەوە بەهای نەوتی خاو ئەو ژمارەیەی تۆمار نەكردووە، هۆكاری ئەو بەرزبوونەوەیەش وەك ڕۆیتەرز ئاماژەی پێكردووە، دەگەڕێتەوە بۆ بوونی هیوایەكی گەورە كە ڤاكسینی دژە كۆرۆنا لە نزیكترین كاتدا بەردەست دەبێت.

هەریەك لە كۆمپانیاكانی مۆدێرنا و فایزەری ئەمریكی و سپۆتنیكی ڕوسی ڕایانگەیاندووە، ڤاكسینەكانیان بەڕێژەی سەرووی 90% دژ بە كۆرۆنا كاریگەرە، لەلایەكی دیكەوە كۆمپانیای ئەسترازینكا بە یارمەتی زاناكانی ئۆكسفۆرد ڕایگەیاندووە، ڤاكسینەكەیان 70% كاریگەرە و ئەگەری هەیە بۆ 90% بەرزببێتەوە.

دكتۆر كامەران قادر یەعقوب، مامۆستای زانكۆ و ئابوریناس لە لێدوانێكی تایبەتیدا بە تۆڕی میدیایی ئێستای وت، “پێشبینی دەكرێت بەهای نەوت لە ساڵی 2021دا تا نزیكەی 65 دۆلار بڕوات، ئەوە تاڕادەیەك بوژاندنەوەیەكی باشە، بەڵام دادی عێراق نادات چونكە لە قەیرانێكی قوڵدایە”.

ئەو ئابوریناسە كوردە ئەوەشی خستەڕوو، “ڕەنگە لە ئەمساڵد بەهای نەوت تا 55 دۆلاریش بەرز ببێتەوە كە هۆكارەكەشی بۆ بوونی ئەو ڤاكسینی دژە كۆرۆنایانە دەگەڕێتەوە”.

بابەتی پێشتر

تەرمی دایكی بۆ چەندین ساڵ شاردووەتەوە تا موچەی خانەنشینییەكەی وەربگرێت

بابەتی دواتر

كازمی: یاسای قەرز هەڵەی تیایە و لە هەوڵی چارەسەركردنیداین

بابەتی پەیوەندیدار
زیاتر ببینە

دۆلار دابەزی

نرخی دراوە بیانییەكان بۆ ئەمڕۆ پێنجشەممە 21ی کانونی دووەم، لە بازاڕەكانی هەرێم بڵاوکرایەوە، تا کاتی ئامادەکردنی ئەم هەواڵە…
Total
0
Share