کەمێک لەمەوبەر گەڕی سێیەمی دانوستانی ناڕاستەوخۆی نێوان ئەمریکا و ئێران لە مەسقەت کۆتاییهات.
ئیسماعیل بەقائی وتەبێژی وەزارەتی دەرەوەی ئێران رایگەیاند، ئەمڕۆش دانوستانەکان لە کەشێکی جددیدا بەردەوام بوون، دۆناڵد ترەمپ ئامادەیی خۆی بۆ گەیشتن بە رێکەوتنێکی نوێ دەربڕیوە بە شێوەیەک رێگری لە ئێران بکەن چەکی ئەتۆمی هەبێت.
ئاماژەی بەوەشکرد، دانوستانەکانی ئەمڕۆ بە رێگای ناڕاستەوخۆ بوون، تێیدا جەخت لەسەر کۆتاییهێنان بە سزاکان و بونیادنانی متمانە لەسەر بنەمای ئاشتی کرایەوە، ئێمەش جەختمانکردەوە، بەرنامە بەرگری و مووشەکییەکان جێگای گفتوگۆ نین.
