لە باشووری شاری بەغداد دەنگی چەند تەقینەوەیەک هات و سەرچاوەیەکی ئەمنیش رایگەیاند، کۆگایەکی چەک و تەقەمەنی تەقیوەتەوە.
میدیاکانی عێراق بڵاویانکردەوە، ئەمشەو لە باشووری شاری بەغداد و بە دیاریکراوی لە ناوچەی عویریج دەنگی چەند تەقینەوەیەکی بەهێز بیستراون و ئاسمانی ناوچەکە رووناکبووەتەوە.
ئاشکراشیانکرد، کۆگایەکی چەک و تەقەمەنی تایبەت بە هێزەکانی حەشدی شەعبی تەقیوەتەوە، کە پێدەچێت بەهۆی بەرزبوونەوەی پلەی گەرمییەوە روویدابێت.
