نوێنەری گشتیی مامۆستایانی وانەبێژ رایدەگەیەنێت، سبەی شایستەی دارایی مامۆستایانی وانەبێژ لە سلێمانی دابەشدەكرێت.
عەلی رەئووف نوێنەری گشتیی مامۆستایانی وانەبێژ لە لێدوانێكدا بە تۆڕی میدیایی ئێستای راگەیاند، بڕیاربوو رۆژی دووشەممە شایستەی دارایی مامۆستایانی وانەبێژ دابەشبكرێت و خراوەتە سبەی چوارشەممە كە لە سەرجەم پەروەردەكانی سلێمانی شایستەی دارایی مامۆستایانی وانەبێژ دابەشدەكرێت.
وتیشی، “ئەمڕۆ تەئكیدمان كردووەتەوە و پێمان راگەیەندراوە لە هەر 15پەروەردەكەی سنووری سلێمانی سبەی شایستەی دارایی مامۆستایانی وانەبێژ دابەشدەكرێت”.
