وتەبێژی بازاڕی دراوی شاری سلێمانی رایدەگەیەنێت، ئێوارەی ئەمڕۆ لە كاتی داخستنی بازاڕی ئاڵوگۆڕی دراو بەهای 100 دۆلار بە 160 هەزار دیناربووە.
جەبار گۆران وتەبێژی بازاڕی دراوی شاری سلێمانی لە لێدوانێكدا بە تۆڕی میدیایی ئێستای راگەیاند، بەیانی ئەمڕۆ چوارشەممە، بەهای 100 دۆلار بە 160 هەزار و 500 دیناربووە، بەڵام ئێوارەی ئەمڕۆ لەكاتی داخستنی بازاڕی ئاڵوگۆڕی دراودا بەهای 100 دۆلار دابەزیوە بۆ 160 هەزار دینار، ئەوە لەكاتێكدایە كە بانكی ناوەندیی عێراق هاوشێوەی رۆژانی دیكە دۆلاری خستووەتە بازاڕەوە.
بە بڕوای جەبار گۆران، بەهۆی زۆری خواست لەسەر دۆلار بەهاكەی بەرزبوونەوەی بەخۆوە بینیوە.
