شارەزایەکی بواری پزیشکی راگەیاند، خواردنەوەی قاوە راستەوخۆ دوای لەخەوهەستان دەبێتە هۆی وشکبوونەوەی جەستە.
کریس بوچەر پزیشکێکی ئەمریکییە دەڵێت، “زۆر کەس پێیان وایە کاتێک قاوە لە بەیانیاندا و دوای لەخەوهەستان دەخۆنەوە، وزە و چالاکیی و مەزاجیان باشتر دەبێت، کە ئەمەش راستە، بەڵام دەبێتە هۆی وشکبوونەوەی جەستە”.
باسلەوەشدەکات، کاتێک قاوە دەخۆیتەوە، کاریگەریی لەسەر بڕی میز دەبێتەوە و دەبێتە هۆی ئەوەی گورچیلەکان بە هەوڵێکی زۆرترەوە کاربکەن، کەسەکە بە درێژایی رۆژەکە ئارەقە دەکاتەوە و جەستە وشکدەبێتەوە.
دەشڵێت، بۆ ئەوەی خۆت لەو زیانەی قاوە بپارێزیت باشترە پێش خواردنەوەی قاوە چەند پەرداخێک ئاو بخۆیتەوە بۆ ئەوەی باڵانسی ئاو لە جەستەدا کۆنتڕۆڵبکەیت و رێگری لە هێڵنجدان و رشانەوە بکەیت.
