بەڕێوەبەرایەتیی پۆلیسی دارستان و ژینگەی خەلەکان بڵاویکردەوە، لەسەر کەوتنەوەی ئاگرێکی فراوان لە رۆژئاوای ناحیەی خەلەکان و بەدیاریکراوی لە گوندی شێخ مەنسوریان، زیاتر لە 100 دۆنم پوش و پاوان سووتان و چەندین داری سروشتی لە جۆری بەڕوو زیانیان پێگەیشت.
ئاماژەی بەوەشکردووە، کۆنترۆڵکردنی ئاگرەکە زیاتر لە چوار کاتژمێری خایاندووە و دواتریش دوو کەس لەسەر رووداوی ئاگرکەوتنەوەکە دەستگیرکران کە کە سەرقاڵی پاکردنەوەی دەواجینێک بوون و ئاگرەکە لە دەست ئەوان کەوتووەتەوە و دواتریش دراونەتە دادگا.
