بەرەبەیانی ئەمڕۆ لەناو سەنتەری ناحیەی قەرەهەنجیر شەڕ روویدا و بەهۆیەوە کارمەندێکی هێزەکانی ئاسایش شەهیدبوو.
ئاڤێستا محەمەد، بەڕێوەبەری ناحیەی قەرەهەنجیر بە تۆڕی میدیایی ئێستای راگەیاند، بەرەبەیانی ئەمڕۆ لەناو سەنتەری ناحیەی قەرەهەنجیر شەڕ و رووبەڕووبوونەوە لەنێوان دوو چەکداری داعش و هێزێکی ئاسایش روویدا.
ئاماژەی بەوەشکرد، لە شەڕەکەدا دوو چەکدارەکەی داعش کوژراون و کارمەندێکی ئاسایش شەهیدبووە و یەکێکی دیکەش برینداربووە.
ئاشکراشیکرد، لە ئێستادا شەڕەکە کۆتایی هاتووە و دۆخەکە ئاسایی بووەتەوە.
