خێزانێکی کوردی خەڵكی رۆژئاوای کوردستان کە پێکهاتوون لە سێ کەس لە کاتی کۆچکردنیان بۆ ئەوروپا لە دەریای ئیجەدا خنکان.
بەپێی ئەو زانیارییانەی بڵاوکراونەتەوە، هەریەکە لە لوئەی خەبات مەلا و ئەڤین عەبدۆی هاوسەری و منداڵەکەیان کە خەڵکی شاری عەفرینن لە رۆژئاوای کوردستان ماوەیەک لەمەوبەر چوونەتە شاری ئیزمیر لە تورکیا لەوێوە بەمەبەستی گەیشتن بە وڵاتانی ئەوروپا بە بەلەم ویستوویانە لە دەریای ئیجە بپەڕنەوە و لە هەینی رابردووەوە هیچ هەواڵێکیان نەماوە.
بەپێی زانیارییەکان، دوێنێ چوارشەممە بەلەمی ئەو کۆچبەرانە نوقمبووە و گیانیان لەدەستداوە، ئەو کۆچبەرانەی دیکە کە لەگەڵیاندا بوون رزگاریان بووە.
