دەزگای ئاسایشی هەرێمی کوردستان روونکردنەوەیەکی لەبارەی دەستگیرکردنی تۆمەتبارێکی ماددەی هۆشبەر بڵاوکردەوە.
لە روونکردنەوەکەدا هاتووە، دوای ئەوەی لە سۆشیال میدیا هەواڵێکی ناڕاست بڵاوکرایەوە کە دەستەی حەشدی شەعبی لە شاری سلێمانی بازرگانێکی ماددەی هۆشبەریان دەستگیرکردبێت، دەزگای ئاسایشی هەرێم رایدەگەیەنێت کە ئەم هەواڵە دوورە لە راستییەوە، دوای ئەوەی نووسراوی رەسمیی دادوەری لێکۆڵینەوەی بەڕێوەبەرایەتیی ماددە هۆشبەرەکانی کەرکوکمان بەدەستگەیشت.
ئاماژەی بەوەشکرد، بەڕێوەبەرایەتیی گشتیی نەهێشتنی ماددە هۆشبەرەکانی دەزگای ئاسایشی هەرێم، بە هەماهەنگیی تیمێکی بەڕێوەبەرایەتیی ماددە هۆشبەرەکانی کەرکوک کە پێکهاتبوون لە بەڕێوەبەری بەڕێوەبەرایەتیی ناوبراو، بە هاوەڵیی سێ ئەفسەری هەمان بەڕێوەبەرایەتی، بە سەرکەوتووانە توانرا بازرگانێکی ماددەی هۆشبەر دەستگیربکەن و دەستبگرن بەسەر بڕی سێ کیلۆگرام حەشیش.
دەشڵێت، لەئێستادا تۆمەتبار بە بڕیاری دادوەر و بە ماددەی 25 لە یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان لە گرتووخانەی دەزگای ئاسایش لە شاری سلێمانی راگیراوە و لێکۆڵینەوە لە دۆسیەکەی بەردەوامە.
