ئاسایشی هەولێر دەستگیرکردنی تۆمەتبارێکی راگەیاند کە لە چەند رۆژی رابردوودا تەقەی لە ماڵی خەزووری کردبوو.
ئاسایشی هەولێر لە راگەیەندراوێکدا بڵاویکردەوە، دوای ئەوەی لە رێکەوتی 10 ی ئەم مانگە تۆمەتبارێک تەقەی لە ماڵی خەزووری لە عەنکاوە و ماڵی و کوڕە خەزووری لە گەڕەکی پێنجی حەسارۆک کردبوو توانرا دەستگیربکرێت.
ئاماژەی بەوەشکرد، تۆمەتبارەکە بە ناوی (أ ، ع ، أ) بەهۆی کێشەیەکی کۆمەڵایەتی تاوانەکەی ئەنجامداوە و لە کاتی دەستگیرکردنیدا دەستبەسەر چەکەکەیدا گیراوە.
