لە رووداوێکى هاتوچۆدا لە دەروازەى شارى بەغداد سێ ئەندامى خێزانێک کە دەوترێت دانیشتووى شارى هەولێرن گیانیان لەدەستدا.
بەپێى میدیا عێراقییەکان، رووداوەکە بەرەبەیانى ئەمڕۆ لە دەروازەى بەغداد لەنێوان ئۆتۆمبێلێکى تایبەت و بارهەڵگردا بووە.
بڵاویشیانکردەوە، لە خێزانەکە کە کوردن و، لە دایک و باوک و دوو منداڵ پێکهاتوون، سیانیان گیانیان لەدەستداوە.
یەکێک لە منداڵەکان بە سەختى برینداربووە و رەوانەى نەخۆشخانە کراوە بەمەبەستى چارەسەر.
