دادگای تاوانەکانی کەرخ بڕیاری لەسێدارەدانی بۆ هاوسەری ئەبوبەکر بەغدادی سەرکردەی پێشووی داعش دەرکرد.
راگەیاندنی ئەنجومەنی باڵای دادوەری عێراق بڵاویکردەوە، هاوسەرەکەی ئەبوبەکر بەغدادی بە تاوانی دەستبەسەرکردنی ژنانی ئێزدی لە ماڵەکەیدا و کاری رفاندن و کارکردن بۆ رێکخراوی داعش لە قەزای شەنگاک بڕیاری لەسێدارەدانی بۆ دەرچووە.
بڕیارەکەی دادگای کەرخ بەپێی ماددەی چوار لە یاسای بەرەنگاربوونەوەی تیرۆر یاسای رزگاربووانی ئێزدی دەستی داعش دەرکراوە.
