پێش نیوەڕۆی ئەمڕۆ بومەلەرزەیەک پارێزگای دیالەی هەژاند و تا ئێستا زەرەر و زیانەکانی نەزاندراوە.
وەزارەتی گواستنەوەی عێراق بڵاویکردەوە، بەیانی ئەمڕۆ بومەلەرزەیەک بەگوڕی 4.5 پلە بە پێوەری رێختەر لەسەر سنووری عێراق – ئێران لە دووری 17 کیلۆمەتر لە باشووری رۆژهەڵاتی خانەقین لە پارێزگای دیالە روویداوە.
ئاشکراشیکرد، بومەلەرزەکە لەلایەن هاوڵاتییانەوە هەستیپێکراوە، بەڵام تا ئێستا هیچ زیانێک تۆمارنەکراوە.
