سەرۆكی شارەوانیی سلێمانی داوادەكات كارەكانی شەقامی 100 مەتری خێراتربكرێن.
سەرۆكایەتیی شارەوانیی سلێمانی رایدەگەیەنێت، سەرۆكی شارەوانیی سلێمانی كۆبوونەوەیەكی لەگەڵ سەرپەرشتیاری پڕۆژەی شەقامی 100 مەتری ئەنجامدا، بەمەبەستی بەدواداچوون و ئەنجامی كاركردن لە پڕۆژەكەدا.
ئاماژەی بەوەشكردووە، ھەر لە میانەی كۆبوونەوەكەدا سەرۆكی شارەوانی دەستخۆشی ئاڕاستەی ستافی ئەندازیاری شارەوانی كرد و وەك هەمیشە پاڵپشتی خۆی پیشاندا لەپێناو زیاتر بەرەو پێشچوونی كارەكە و داوایكرد كە كارەكان خێراتربكرێت لەپێناو زوو تەواوكردنی شەقامەكە و كردنەوەی بەڕووی ھاوڵاتیان.
