لەبارەی دەرماڵەی فەرمانبەران، كارمەندان و ئەفسەرانی هاتوچۆوە بڕیارێكی نوێ درا و وردەكارییەكەی بڵاوكرایەوە.
بەڕێوەبەرایەتیی گشتیی هاتوچۆی هەرێمی كوردستان، لە نووسراوێكدا بڕیارێكی نوێی لەبارەی دەرماڵەی خێزان و منداڵی فەرمانبەران، كارمەندان و ئەفسەرانی هاتوچۆوە ئاشكراكردووە و بەپێی نووسراوەكە، فەرمانبەران، ئەفسەران و كارمەندان ئاگاداركراونەتەوە كە ئەو منداڵانەی كە رەگەزی (مێ)ن و 18 ساڵیان تەواوكردووە، دەبێت بەڵگەنامەی دادنووس بهێنن، بۆ سەلماندنی ئەوەی كە شوویان نەكردووە”.
نووسراوەكەی هاتوچۆی هەرێم دەڵێت، “جگە لە پشتگیریی دادنووس، هیچ جۆرە پشتگیرییەكی موختار یان شارەوانی وەرناگیرێت” و بەپێی زانیارییەكان، ئەو كارمەند و ئەفسەرانەی بەڵگەنامەی دادنووس نەبەن، دەرماڵەی منداڵیان نامێنێت.
