بڕیارە لە ئێوارەی ئەمڕۆوە پرۆژەی یەکتربڕی ئارام لەسەر شەقامی بازنەیی مەلیک مەحمود بەڕووی شۆفێراندا بکرێتەوە.
پرۆژەی یەکتربڕی ئارام لە چوارچێوەی پلانی قوباد تاڵەبانی بۆ هاندانی وەبەرهێنان و گەشەپێدانی شاری سلێمانی لە 19 ی ئەیلولی 2022 دەست بە کارکردن کراوە تێیدا و دوای تەواوبوونی پرۆژەکە لە 4 ی ئەم مانگە ئێوارەی ئەمڕۆ بەڕووی شۆفێراندا دەکرێتەوە.
پرۆژەکە پێکهاتووە لە بونیادنانی نزمە پردێک بۆ سەربەستکردنی شۆفێرانی شەقامی مەلیک مەحمود و هەموو ئەو گەڕانەوانەی (U-turn) دەکەونە سنوری کاری پڕۆژەکە و فراونکردنی شەقامە لاوەکیەکان.
هاوکات بەشێکی دیکەی پرۆژەکە پێکهاتووە لە دروستکردنی شەقام بۆ بەستنەوەی سەنتەری شار بە بەشی باکووری شەقامی مەلیک مەحمود و دروستکردنی شەقام بۆ بەستنەوەی بەشی باشووری شەقامەکە بە سەنتەری شار.
