بەڕێوەبەرایەتیی پۆلیسی زاخۆ ڕایگەیاند، تەرمی گەنجێکیان لە ئاوی گوندێکی سنووری ئیدارەی زاخۆ دۆزیەوەتەوە و ناسنامەی تەمەکە نەزانراوە.
لە ڕاگەیەندراوێکدا پۆلیسی زاخۆ ئاشکرایکرد، دوای نیوەڕۆی ئەمڕۆ تەرمی گەنجێکیان لە نزیک گوندی شیناڤا لە سنووری ئیدارەی سەربەخۆی زاخۆ لە ئاوێکدا دۆزیەوەتەوە و تەرمەکە ڕەوانەی پزیشکی دادوەری کراوە.
پۆلیسی زاخۆ ناو و ناسنامەی گەنجەکەی ئاشکرانەکردووە، تەنها ئەوە دەرکەوتووە کە تەمەنی 24 ساڵە.
ئاماژەی بەوەشکردووە، کە پەڕاوی لێکۆڵینەوە بۆ دەستنیشانکردنی هۆکاری ڕووداوەکە کراوەتەوە.
