لە ئێوارەی دوێنەوە بەهای دۆلار بەشێوەیەکی بەرچاو رووی لە بەرزبوونەوە کردووە، ئێوارەی دوێنێ لە کاتی داخستنی بازاڕەکانی دراودا 100 دۆلار بەرامبەر بە 148 هەزار و 300 دینار و بەیانی ئەمڕۆش لە کاتی کردنەوەی بازاڕەکان 100 دۆلار بەرامبەر بە 148 هەزار و 400 دینار مامەڵەی پێوەکرا.
بانکی ناوەندیی عێراق خشتەی فرۆشتنی دۆلاری ئەمڕۆی بڵاوکردەوە، 274 ملیۆن و 911 هەزار و 97 دۆلاری خستووەتەبازاڕەوە، لەو بڕەش 14 ملیۆن و 775 هەزار و 300 دۆلاری بەشێوەی کاش بووە و 260 ملیۆن و 135 هەزار و 797 دۆلاریشی بەشێوەی حەواڵاتی بازرگانیی بووە.
