بەڕێوەبەرایەتیی پۆلیسی دارستانی سلێمانی بڵاویکردەوە، کارمەندەکانی بەشی پۆلیسی دارستانی پێنجوێن پێنج هاوڵاتییان لەسەر زیادەڕەویی دەستگیرکردووە.
لە راگەیەندراوەکەی پۆلیسی دارستاندا ئەوە خراوەتەڕوو، دەستگیرکردنی ئەو پێنج کەسە لە سنوورەکانی (شاخی ملەکەوە، شاخی حاجی شێخ، مێرگەسیر، گوندی راوگان، رێگای کۆنی باشماخ) بووە.
ئەو تۆمەتی بەهۆیەوە دەستگیرکراون، دروستکردنی زیادەڕەوی و دروستکردنی خانوو و بینا بووە لەسەر موڵکی گشتی و پەڕاوی لێکۆڵینەوە رێکخراوە و رادەستی دادوەر کراوە بۆ وەرگرتنی رێکاری یاسایی.
