ئێوارەی ئەمڕۆ سنووری ناحیەی دێرەلوك لە قەزای ئامێدیی سەربە پارێزگای دهۆك بۆردومانكرا.
بەگوێرەی زانیارییەكان، لە ماوەی كەمتر لە كاتژمێرێكدا دووجار شوێنی نیشتەجێبوونی هاوڵاتییان لە سنووری ناحیەكە بۆردوومانكراوە و زیانی گیانی نەبووە، بەڵام ترس و دڵەڕاوكێ لای گوندنشینانی سنوورەكە دروستبووە.
جێی ئاماژە بۆكردنە، هەر ئەمڕۆ بەهۆی بۆردومانی سنووری گوندی سەرگەلیی سەربە قەزای ئامێدییەوە ئاگركەوتەوە و زیانێكی زۆری بە پووش و پاوەن و رەز و باخی هاوڵاتییانی سنوورەكە گەیاندووە.
