فەرماندەیی هێزە سنوورییەکانی عێراق رایگەیاند، زیاتر لە 90%ی سنوورەکانمان لەگەڵ وڵاتانی دراوسێ بە کامێرای پێشکەوتوو کۆنترۆڵکراون.
لە بەیاننامەیەکدا فەرماندەیی هێزە سنوورییەکانی عێراق ئاماژەی بەوەکرد، ”بەردەوامین لە پشتبەستن بە تەکنەلۆژیا نوێیەکان بۆ چاودێریکردنی سنوورەکانمان لە رێگای کامێرا مۆدێرنەکانەوە، بەشێوەیەک ژمارەی ئەو کامێرا حەرارییانەی لە ساڵی 2022ەوە دانراوە زیادیکردووە بۆ 950 کامێرا لەمساڵدا”.
دەشڵێت، ”پڕۆسەی پشتبەستن بە تەکنەلۆژیای سەردەمیانەمان فراوانتر کردووە، ئەویش بە دانانی سەدان کامێرای پێشکەوتوو بۆئەوەی زیاتر لە 90%ی سنوورەکانمان لەگەڵ وڵاتانی دراوسێ کۆنترۆڵبکەین و رێگری لە قاچاخچێتی بکەین”.
