ئاسایشی راپەڕین دەستگیركردنی سێ كەس بە تۆمەتی لەحیمكردنەوەی ئۆتۆمبێلی بڕاوە رادەگەیەنێت.
بەڕێوەبەرایەتیى ئاسایشى راپەڕین رایگەیاند، هێزەكانیان لە ناوچەى پیشەسازیى رانیە سێ تۆمەتباریان دەستگیركرد بە تۆمەتى لەحیمکردنەوەى ئۆتۆمبێلى بڕاوە.
لەکاتى دەستگیرکردنیان، كە بەپێی راگەیەندراوەكەی ئەمڕۆی ئاسایشی راپەڕین لە 10ی ئەم مانگەدا بووە، دەستگیرا بەسەر چوار ئۆتۆمبێلدا کە کارى لەحیمکردنەوەیان بۆ کراوە.
دووپاتیشیدەكاتەوە، تۆمەتباران بە بڕیارى دادوەر و بەپێى ماددەى (240) لە یاساى سزادانى عێراقى راگیراون و لێکۆڵینەوە لە دۆسیەکەیاندا بەردەوامە.
