ئەندامێكی ئەنجومەنی نوێنەرانی عێراق رایدەگەیەنێت، چاوەڕواندەكرێت لە چەند رۆژی داهاتوودا هەمواری یاسای بودجە لە پەرلەمان خوێندنەوەی بۆ بكرێت و بە پەسەندكردنیشی كێشەی مووچەخۆرانی هەرێم چارەسەردەكات”.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق رايگەیاند، لە بودجەدا پشكی هەرێمی كوردستان بۆ ساڵی 2024 بە زیاتر لە 20 ترلیۆن و 910 ملیار دینار دیاریكراوە هاوكات زیاتر لە11 ترلیۆن و 500 ملیار دیناریش بۆ مووچەی فەرمانبەران و خانەنشینان و تۆڕی چاودێریی كۆمەڵایەتی تەرخانكراوە”.
ئەندامەكەی لیژنەی دارایی وتیشی، “بە هەمواركردنەوەی یاساكە و بە بانكیكردنی مووچەی مووچەخۆران چاوەڕواندەكرێت بە تەواوەتی كێشەی مووچە لە هەرێمی كوردستان چارەسەرببێت”.
