سەرۆكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت، هەناردەی نەوتی هەرێم كاریگەری لەسەر زیادبوونی داهاتی عێراق دەبێت و دەشڵێت، “یاسای بودجە هەمواربكرێتەوە و هەناردەی نەوت دەستپێبكاتەوە كێشەی مووچە چارەسەردەبێت”.
هەرێم كەمال ئاغا، سەرۆكی فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، پێشتر لەسەر تێچوو و بەرهەمهێنانی نەوت، هەرێم و بەغداد نەگەیشتنە رێككەوتن و ئەو هەموارە كاریگەری لەسەر چارەسەری كێشەكانی نێوان هەرێم و بەغداد دەبێت و داهات زیاددەكات و ئەو كورتهێنانەی هەبووە دەتوانرێت لەو رێگایەوە پڕبكرێتەوە.
بە وتەی هەرێم كەمال ئاغا، “یاسای بودجە هەمواربكرێتەوە و هەناردەی نەوت دەستپێبكاتەوە كێشەی مووچەی مووچەخۆرانی هەرێم چارەسەردەبێت”.
