حەیدەر عەبادی سەرۆکی هاوپەیمانی نەسر رایگەیاند، ئەگەری ئەنجامدانی کودەتای سەربازی هەیە و گەلیش پێشوازی لێدەکات.
حەیدەر عەبادی لە چاوپێکەوتنێکی تەلەفزیۆنیدا رایگەیاند، ئەگەری کودەتای سەربازی لە عێراق هەیە و رەنگە گەلیش پێشوازی لێبکات، بەڵام پێموانییە گروپە چەکدارییەکانی عێراق سەرکەوتووبن تێیدا، چونکە لەناو خۆیاندا ناکۆکن و لە دژی یەکترن.
ئاماژەی بەوەشکرد، لە یەک کاتدا کودەتا ئەنجامی دەبێت گەر لەلایەن فەرماندەیەکی سەربازیی بە پشتیوانی دامەزراوەیەکی سەربازیی ئەنجامیبدات.
عەبادی لە درێژەی چاوپێکەوتنەکەیدا جەختیکردەوە، 80% ی هێزە سیاسییەکانی عێراق هەوڵدەدەن دەوڵەت بە لاوازی بهێڵنەوە، سیستمی هەڵبژاردنیش هیچ ئەنجامێکی لە بەرژەوەندی عێراقیەکان بەدینەهێنا، بەشداریکردنی هاوڵاتییان بە شێوەیەکی لاواز لە هەڵبژاردندا باشترین بەڵگەبوو بۆ ئەمە
