ئەمڕۆ 8ی نیسان بەپێی ڕێککەوتنێک 68 ڕوفاتی ئێرانی و عێراقی ئاڵوگۆڕیان پێکرا و لە دەروازەی سنوری شەڵمچەوە تەرمەکان گەیەنرانەوە وڵاتی خۆیان.
بەپێی ڕێککەوتنەکە ئێران ٥ ڕوفاتی سەربازیی عێراقی ڕادەستکردووەتەوە و لەبەرامبەردا عێراق 63 ڕوفاتی ئێرانی ڕادەستی ئەو وڵاتە کردووەتەوە.
لەسەر ئەو ئاڵوگۆڕکردنە کۆمیتەی نێودەوڵەتی مانگی سور ڕایگەیاندووە، “ئەو ڕوفاتانە لە ساڵەکانی نێوان 1980 تا 1988 واتە بە درێژایی جەنگی ئێران – عێراق کوژراون و بە کۆمەڵ نێژراون.
بەرپرسانی ئێرانی و عێراق لە دەروازەی سنوری شەڵەمجە، لە نێوان شاری بەسرە و خورەمشار بە ئامادەی ڕێکخراوی مانگی سوری نێودەوڵەتی وەرگرتنەوەی ڕوفاتەکانیان واژوو کرد.
