پارێزگاری كەركوك رایدەگەیەنێت، پشكی كارەبای نیشتمانی بە بەراورد بە ساڵانی پێشوو، زیادیكردووە.
رێبوار تەها، پارێزگاری كەركوك، بەشی دابەشكردن و كۆنتڕۆڵی فەرمانگەی دابەشكردنی كارەبای كەركوكی بەسەركردەوە و لە نزیكەوە لە پشكی كەركوك لە كارەبای نیشتمانی و چۆنییەتی دابەشكردنی كۆڵییەوە.
راشیگەیاند، لە كۆبوونەوەكانی دەستەی هەماهەنگیی نێوان پارێزگاكان جەختمان لە پشكی كەركوك لە كارەبای نیشتمانی كردووەتەوە و پشكەكە بە بەراورد بە ساڵانی پێشوو زیادیكردووە، بەوەش كاتژمێرەكانی پێدانی كارەبا لە 7 كاتژمێرەوە بۆ 13 كاتژمێر زیادیكردووە بە بەراورد بە ساڵانی رابردوو لە هەمان مانگ و وەرزدا.
