بەلەمێكی كۆچبەران كە زۆرینەی سەرنشینەكانی كوردن نوقم بوو، چالاكوانێك دەڵێت، نزیكەی 60 كۆچبەر خنكاون.
رەنج پشدەری، چالاكوانی كورد رایگەیاند، بەلەمێكی كۆچبەران لە نێوان ئاوی یۆنان و ئیتاڵیا نوقم بووە.
وتیشی، “یەختەكە 70 سەرنشینی تیابووە و نزیكەی 60یان خنكاون”.
ئەو چالاكوانە روونیشیكردەوە، لەنێو قوربانییەكاندا نزیكەی 35یان كوردن، 20 منداڵیشیان تیایە.
باسی لەوەشكرد، بەلەمەكە دووشەممەی رابردوو لە ناوچەی بۆدروم-ی توركیاوە بەڕێكەوتووە.
