لە ئەنجامی پێکدادانی دوو شەمەندەفەر لە ناوچەی بەنگالی رۆژئاوا لە رۆژهەڵاتی هیندستان لایەنی کەم پێنج کەس گیانیان لەدەستدا.
میدیاکانی هیندستان بڵاویانکردەوە، لە ناوچەی دارجیلنگ شەمەندەفەری کانچنجونگای خێرا و شەمەندەفەرێکی بارهەڵگر بەیەکیادادا داوە و بەهۆیەوە چەند فارگۆنێکی شەمەندەفەرێکیان وەرگەڕاون و ئەوی دیکەشیان بە شێوەیەکی نا هاوسەنگ بە هەڵواسراوی ماوەتەوە.
ئاشکراشیانکرد، تیمە فریاگوزارییەکان گەیشتوونەتە شوێنی رووداوەکە و لێکۆڵینەوەکانیش دەستیانپێکردووە.
هیندستان یەکێکە لەو وڵاتانەی گەورەترین هێڵی ئاسنینی هەیە، ساڵانە چەندین رووداوی شەمەندەفەر بەخۆیەوە دەبینێت.
لە ساڵی 1981 لە ناوچەی بیهار بەهۆی وەرگەڕانی شەمەندەفەرێک 800 کەس گیانیان لەدەستدا.
