ئەنجومەنی نوێنەرانی ئەمریكا لە كۆبوونەوەیەكیدا بە زۆرینەی دەنگی ئەندامانی، بودجەی وەزارەتی بەرگریی ئەمریكای بۆ ساڵی 2023 پەسەندكرد كە زیاترە لە 850 ملیار دۆلار.
میدیاكانی ئەو وڵاتە بڵاویانكردووەتەوە، بودجەی خەمڵێندراوی وەزارەتی بەرگریی ئەمریكا 858 ملیار دۆلارە كە تایبەت بە مووچە و نەسریەی وەزارەتەكە بۆ كڕینی پێداویستییە سەربازییەكان.
جێی ئاماژە بۆ كردنە، پێشتر لیژنە پەیوەندیدارەكان لە هەردوو ئەنجومەنی نوێنەران و پیران، دەقی بودجە خەمڵێندراوەكەی وەزارەتی بەرگریی ئەمریكایان پەسەندكردبوو.
