بەرپرسێکی ئێرانی رایدەگەیەنێت، گەشتوگوزاری هەرێم دەیانەوێت گەشتی ئاسمانی راستەوخۆی نێوان هەرێم و شاری سنە و لەوێشەوە بۆ دورگەی کیش دەستپێبکات.
موسلیم شوجاعی بەڕێوەبەری گشتیی بەبازاڕکردن و گەشەپێدانی گەشتوگوزاری دەرەوەی ئێران رایگەیاند، بە مەبەستی راکێشانی گەشتیاری زیاتر، دەسەڵاتدارانی گەشتیاریی هەرێم دەیانەوێت گەشتی راستەوخۆی ئاسمانی نێوان هەرێم و سنە لەوێشەوە بۆ دورگەی کیش دەستپێبکات.
وتیشی، هەرێمی کوردستان بازاڕێكی باشی گەشتیاریی وڵاتی ئێرانە بە سەرنجدان لەمەش دەستپێکردنی گەشتی راستەوخۆ بۆ پارێزگاکانی دیکەی وڵاتە گرنگە، جگەلەوەش کارئاسانیکردن بۆ هاتوچۆی وشکانی و کەمکردنەوەی رۆتینات لە خاڵە سنورییەکان یەکێکی دیکەیە لە هۆکارەکانی دیکەی راکێشانی گەشتیاران لەنێوان هەردوو وڵاتدا.
