بەهۆی ئەوەی مەرجەعی باڵای شیعەکان لە عێراق، رۆژی دووشەممەی وەک یەکەم رۆژی جەژنی قوربان دیاریکرد، ئەمڕۆ رێورەسمی جەژنی قوربان لە بەشێک لە پارێزگا شیعە مەزهەبەکان بەڕێوەچوو.
ئەمڕۆ دووشەممە هەزاران کەس لە پارێزگای کەربەلا بەشدارییان لە رێورەسمی نوێژی جەژن کرد.
لە شەوی رابردووەوە پارێزگاکە قەرەباڵغییەکی زۆری بەخۆیەوە بینیوە، بەشێکی زۆر لە هاوڵاتییانیش لە دەرەوەی پارێزگاکە هاتبوون بۆ ئەوەی بەشداری لە رێورەسمی جەژندا بکەن.
جگە لە کەربەلا لە سەرجەم پارێزگا شیعە مەزهەبەکان رێورەسمەکانی یەکەم رۆژی جەژنی قوربان بەڕێوەچوو.
