پارێزگاری هەولێر، رایدەگەیەنێت، “تاوەکو ئێوارەی دوێنێ نزیکەی 100 هەزار گەشتیار لە بازگەی شێراوە-وە هاتوونەتە هەولێر”.
ئومێد خۆشناو، پارێزگاری هەولێر، لە کۆنفرانسێکی رۆژنامەوانیدا رایگەیاند، “لە بۆنەو پشووەکاندا گەشتیارێکی زۆر لەناوچەکانی ناوەڕاست و خوارووی عێراق دێنە هەولێر، بۆ جەژنی قوربانیش تەنها لەبازگەی شێراوە-وە تاوەکو ئێوارەی دوێنێ شەممە نزیکەی 100 هەزار گەشتیار هاتوونەتە هەولێر، ئەوە جگە لەو گەشتیارانەی کە لە بازگەی خازر و فڕۆکەخانە هاتوونەتە شارەکە”.
وتیشی، پێشبینی دەکەین لە سبەینێوە ئاماری هاتنی گەشتیاران زیاتر بکات و لە دوایین رۆژی جەژندا تەواوی ئامارەکە رادەگەیەنین.
