لە ئاوی گوندی قەمتەران لە سنووری ئیدارەی راپەڕین پێنج ئەندامی خێزانێك گیانیان لەدەستدا.
عەلی قادر، وتەبێژی بەرگریی شارستانیی راپەڕین بە تۆڕی میدیایی ئێستای راگەیاند، پێنج ئەندامی یەك خێزان لە چەمی گوندی قەمتەران خنكان.
وتیشی، “قوربانییەكان، كە مەڕدارن و ساڵانە لەم وەرزەدا دێنە سنوورەكە، لە سێ ژن و پیاو و منداڵێك پێكدێن”.
عەلی قادر ئاماژەی بەوەشدا، تەرمەكان دەرهێندراونەتەوە و رەوانەی پزیشكی دادوەری دەكرێن.
دەربارەی هۆكاری رووداوەكە بەپێی هەندێك زانیاریی سەرەتایی، پێدەچێت یەكێكیان كەوتبێتە ئاوەكەوە و ئەوانی دیكە لە هەوڵی رزگاركردنیدا خنكابن.
