پۆلیسی ئاکرێ بڵاویکردەوە، دوای وەرگرتنی زانیاریی تەواو پێشنوێژ و وتاربێژی مزگەوتێکیان دەستگیرکردووە، کە زیاتر لە 300 کاری سحری لەبەرامبەر وەرگرتنی بڕێک پارە ئەنجامداوە.
لە راگەیەندراوێکی بەڕێوەبەرایەتیی پۆلیسی ئاکرێدا هاتووە، دوای لێکۆڵینەوە و بەدواداچوونەکانمان تۆمەتبارێکی تەمەن 60 ساڵانمان بە ناوی (ع، ط،ج)، دەستگیرکرد، کە پێشنوێژ و وتاربێژی یەکێک لە مزگەوتەکان بووە و 300 کاری سحر و جادووی ئەنجامداوە.
ئاشکراشیکرد، ناوبراو سحرەکانی لە بەرامبەر وەرگرتنی بڕێک پارەدا ئەنجامداوە، لەگەڵ دەستگیرکردنیدا کتێبی سحرەکەشی دەستی بەسەرداگیراوە.
