ئەمڕۆ چوارشەممە، دەستەی گشتیی باجی عێراق پەسەندکردنی رێککەوتنی هاوبەشی نێوان بەغدا و هەولێری بۆ یەکخستنی کاری باج راگەیاند.
دەستەکە ئاماژەی بەوەکردووە، وەزیرانی دارایی لە حکوومەتی فیدراڵی و هەرێمی کوردستان رێکەوتنێکی هاوبەشیان پەسەندکردووە بۆ یەکخستنی رێکارەکانی باج و کارکردن لە سەرجەم لقەکانی باج لە عێراق، کە لە هەفتەی داهاتووەوە دەست پێدەکات.
لە راگەیەندراوەکەدا ئاماژە بەوەشکراوە، رێککەوتن لەسەر ئەوە کراوە کە زانکۆ و پەیمانگا ئەهلییەکان بخرێنە ژێر ژمێریاریی باجەوە بەپێی یاسای وەزارەتی خوێندنی باڵا ژمارە 25ی ساڵی 2016 بۆ داهات و باجی راگرتن کە لە ساڵی 2016وە کاری پێدەکرێت.
