ئاگرەكەی پاڵاوگەكەی سەر رێگای هەولێر – گوێر زیاتر تەشەنەی كردووە و زیاتر لە 35 تیمی بەرگریی شارستانیی هەولێر لە شوێنی رووداوەكەن و هەوڵی كۆنترۆڵكردنی ئاگرەكە دەدەن.
پەیامنێری تۆڕی میدیایی ئێستا لە شاری هەولێر گواستییەوە، بەهۆی ئاگرەكەوە تەواوی كۆگاكانی قیر لە پاڵاوگەكە سووتاون و چوار تانكەری گواستنەوەی سووتەمەنی سووتاون و چەندین تیمی تەندروستی و ئەمبوڵانس لە شوێنی رووداوەكەن.
وتیشی، “هێزە ئەمنییەكان داوا لە هاوڵاتییان و میدیاكاران دەكەن لە شوێنی رووداوەكە دووربكەونەوە كە ماوەی زیاتر لە دوو كاتژمێرە ئاگرەكە بەردەوامە و كۆنترۆڵ نەكراوە”.
