ئەمڕۆ نرخی نەوت لە جیهاندا بەرزبووەوە، بە جۆرێک نرخی یەک بەرمیل نەوتی خاوی برێنت لە 82 دۆلار نزیکبووەوە.
لەبازاڕەکانی جیهان ئەمڕۆ سێشەممە یەک بەرمیل نەوتی خاوی برێنت بە 81 دۆلار و 91 سەنت مامەڵەی پێوەدەکرێت، نرخی بەرمیلێک نەوتی خاوی تەکساسی ئەمریکاش بە رێژەی 31 سەنت کە دەکاتە 0.4% بەرزبووەوە و گەیشتە 78 دۆلار و پێنج سەنت.
ئەمڕۆ بۆ دووەم رۆژ لەسەریەک نرخی نەوت بەردەوامە لە بەرزبوونەوە، ئەوەش لەکاتێکدایە کە چاوەڕوانی زیادبوونی خواست لەسەر سووتەمەنی دەکرێت لە وەرزی هاوین و پێشبینی کڕینی نەوتی زیاتر دەکرێت لەلایەن ئەمریکاوە بۆ بەهێزکردنی یەدەگی نەوتی خۆی.
هەروەها بەرزبوونەوەی نرخی دۆلاریش کاریگەری لەسەر بەرزبوونەوەی نرخی نەوت هەیە، بەپێی ئاژانسی هەواڵی رۆیتەرز.
