نوێنەری گشتیی مامۆستایانی وانەبێژ رایدەگەیەنێت، پێش جەژنی قوربان مامۆستایانی وانەبێژ لەسەرجەم پەروەردەكاندا شایستەی دارایی مانگی ئازاریان بۆ خەرجدەكرێت.
عەلی رەئوف نوێنەری گشتیی مامۆستایانی وانەبێژ لە لێدوانێكدا بە تۆڕی میدیایی ئێستای راگەیاند، بڕیارە رۆژی پێنجشەممە و شەممەی داهاتوو شایستەی دارایی وانەبێژان بۆ مانگی ئازار لە سەرجەم پەروەردەكاندا دابەشدەكرێت.
نوێنەری گشتیی مامۆستایانی وانەبێژ جەختیكردەوە كە پارەی پێویستیان بۆ تەرخانكراوە و بەر لە جەژن سەرجەم مامۆستایانی وانەبێژ شایستە داراییەكەیان بۆ خەرجدەكرێت.
