بڕیارە ئەمڕۆ دابەشكردنی مووچەی مانگی شوباتی مووچەخۆرانی هەرێم دەستپێبكات و بەپێی خشتەكانی وەزارەتی دارایی تا پێنجشەممەی داهاتوو بەردەوام بێت.
بەپێی خشتەی یەكەمی مووچە كە ئێوارەی پێنجشەممە لەلایەن وەزارەتی دارایی و ئابوریی هەرێمەوە بڵاوكرایەوە ئەمڕۆ وەزارەتەكانی (تەندروستی، دارایی و ئابوری، كار و كاروباری كۆمەڵایەتی و ناوخۆ)، هەروەها توێژەكانی خانەنشینی شارستانی و خاوەن پێداویستی تایبەت مووچەی مانگی شوبات وەردەگرن.
لە خشتەی دووەمیشدا كە شەوی پێنجشەممە بڵاویكرایەوە، وادەی دابەشكردنی مووچەی ئەو فەرمانگە و وەزارەتانە دیاریكراوە، كە لە خشتەی یەكەمدا ناویان نەبوو.
