ئەندامێكی ئەنجومەنی نوێنەران رایدەگەیەنێت، وەزارەتی دارایی عێراق بڕیاریداوە بە خەرجكردنی مووچەی مانگی چواری هێزە ئەمنییەكانی هەرێم و چاوەڕواندەكرێت لە نزیكترین وادەدا پارەكە رەوانەبکرێت.
سروە محەمەد، ئەندامی ئەنجومەنی نوێنەران لە لێدوانێكدا بە تۆڕی میدیایی ئێستای راگەیاند، وەزارەتی دارایی عێراق بڕیاریداوە بە خەرجكردنی مووچەی مانگی چواری هێزە ئەمنییەكانی هەرێم و بۆ ئەم مانگە مووچەكەیان بە كۆد خەرجدەكرێت و بۆ مانگی پێنج بە لیستەكان خەرجدەكرێت.
راشیگەیاند، چاوەڕواندەكرێت لە نزیكترین وادەدا پارەكە خەرجبكرێت و بخرێتە سەر هەژماری وەزارەتی دارایی هەرێم.
