بەڕێوەبەرایەتیی پۆلیسی هاتوچۆی گەرمییان بڵاویکردەوە، کەمێک پێش ئێستا لە نزیک گوندی شێرەوەن رووداوێکی پێکدادان لە نێوان ئۆتۆمبێلێکی جۆری (ئاسۆزۆ ستەیشن) و ماتۆڕسکیلێکی دوو تایە روویدا ، پاشان ئۆتۆمبیلەکە وەرگەڕاوە و بەهۆی رووداوەکەوە لێخوڕی ماتۆڕسکیلەکە و شۆفێر و سەرنشینێکی ئۆتۆمبیلەکە برینداربوون.
ئاماژە بەوەشکراوە، بریندارەکان بۆ وەرگرتنی چارەسەری پێویست گواسترانەوە بۆ نەخۆشخانەی فریاکەوتنی شەهید هەژار لە کەلار و لەلایەن تیمی هاتوچۆوە لێکۆڵینەوە لە رووداوەکە دەستی پێکردووە.
