ئاژانسە هەواڵییەکان وێنەی چەند ماتۆرسوارێکیان داناوە، کە پۆشاکی ئیحرامیان پۆشیووە و بەسەر ماتۆرسکیلەکانیانەوەن و بەرەو مەککە بەڕێکەوتوون.
ئەو کەسانەی لە گرتە ڤیدیۆیی و وێنەکاندا دەرکەوتوون، خەڵکی کوەیتن و بەرەو سعودیە بۆ ئەنجامدانی فەریزەی حەج بەڕێکەوتوون، بە گوێرەی نەخشەی گوگڵ، پێویستیان بە 15 کاتژمێر لێخوڕینی ماتۆرسکلیەکانیان دەبێت تا حەرەمی مەککە.
لەماوەی هەفتەی رابردوودا 1.3 ملیۆن کەس گەیشتوونەتە سعودییە بۆ ئەنجامدانی فەریزەی حەج بە گوێرەی داتایی کاربەدەستانی وڵاتەکە.
جگە لەوەش 300 هەزار کەس لە مەککە دوورخراونەتەوە بەهۆی نەبوونی مۆڵەتی حەج لەلایەن دەسەڵاتدارانی سعودییەوە.
