وتەبێژی وەزارەتی ئەوقافی هەرێم رایدەگەیەنێت، دیاریكردنی یەكەم رۆژی جەژنی قوربان لەلایەن سعودیەوە دەبێت كە تایبەتە بە رێورەسمەكانی حەج و دەشڵێت، “1ی ذی الحجە واتە 10 رۆژ پێشتر جەژن سعودیە یەكەم رۆژی جەژنی قوربان دیاریدەكات”.
نەبەز ئیسماعیل وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، لیژنەی باڵای بینینی مانگی سعودیە رۆژی 1ی ذی الحجە دیاریدەكات كە چاوەڕواندەكرێت بكەوێتە 6ی ئەم مانگەوە و راستەوخۆ 10ی ذی الحجە دەبێتە یەكەم رۆژی جەژنی قوربان.
وتیشی، “دیاریكردنی یەكەم رۆژی جەژن لە هەموو جیهاندا لەلایەن سعودیەوە دەبێت كە تایبەت بە رێوڕەسمەكانی فەریزەی حەج”.
