وتەبێژی حکومەتی هەرێم رایدەگەیەنێت، “دواکەوتنی ناردنی مووچەی هێزە ئەمنییەکانی هەرێم لەلایەن بەغدادەوە ستەمە”.
پێشەوا هەورامانی، وتەبێژی حکومەتی هەرێم رایگەیاند، هەرێمی کوردستان هەموو پابەندییەکانی خۆی بۆ ناردنی مووچە لەلایەن بەغدادەوە جێبەجێکردووە، دەبوو مووچەی هێزە ئەمنییەکان سێ رۆژ پێش ئێستا بنێردرێت، بەڵام نەنێردراوە.
دەشڵێت، دواکەوتنی ناردنی مووچەی هێزە ئەمنییەکانی هەرێم لەلایەن بەغدادەوە جۆرێکە لە ستەم، پێویستە بابەتی مووچە نەکرێتە کارتێکی سیاسی و لەکاتی خۆیدا بنێردرێت.
