وڵاتی بەریتانیا دەستکەوێکی گەورەی پزیشکی بەدەستهێنا بە پێشکەشکردنی یەکەم ڤاکسینی دژی نەخۆشی شێرپەنجە کە یارمەتی نەخۆش دەدات دوای نەشتەرگەری نەخۆشییەکەی سەرهەڵنەداتەوە.
ڤاکسینە بەریتانییەکە وەک یەکێک لە دەرمانەکانی بەرگری بەرهەمهێنراوە کە سیستمی بەرگریی جەستە بەهێز دەکات بە شێوەیەک شوێنی گرێ شێرپەنجەییەکان دیارییدەکات و بەرەنگاریی دەبێتەوە.
ئەم ڤاکسینە بە پێچەوانەی ئەنفلۆنزا و کۆڤیدەوەیە، بۆ ئەوە نییە کەسێک تووشی نەخۆشی شێرپەنجە نەبێت، بەڵکو بۆ ئەو کەسانەیە کە پێشتر تووشی نەخۆشییەکە بوون بۆ ئەوەی جارێکی دیکە سەرهەڵنەداتەوە.
