ئەمڕۆ، یەکشەممە لە چوارچێوەی ڕوبەڕوبوونەوەکانی هەفتەی 17ی خولی پلە یەکی ئیتاڵیا، یانەی ڕۆما و ئینتەرمیلان یەکسانبوونیان تۆمارکرد.
یانەی ڕۆما لە یاریگای ئۆڵۆمپیکۆ میوانداری ئینتەرمیلانی کرد و یاری نێوانیان بە ئەنجامی دوو گۆڵ یەکسانبوون کۆتاییهات.
گۆڵەکانی نێراتزۆری لە خولەکەکانی 56 و 63 لەلایەن میلان سکرینیار و ئەشرەف حەکیمی و گۆڵەکانی جێلاڕۆسیش لە خولەکەکانی 17 و 86 لەلایەن لۆرینزۆ پیلیگرینی و جیانلوکا مانچینی-یەوە تۆمارکران.
بەهۆی ئەم ئەنجامەوە یانەی میلان بە جیاوازی سێ خاڵ لە لوتکەی ڕیزبەندی یانەکانی خولی ئیتاڵیا جێگیربوو، یانەی ئینتەرمیلان ژمارەی خاڵەکانی گەیاندە 37 و ڕۆما گەیشتە 34 خاڵ، دوو یانەی ناوبراو هاوشێوەی هەفتەکانی ڕابردوو لە پلەکانی دووەم و سێیەمدا بەردەوامبوون (ئینتەر دووەم و ڕۆما سێیەم).
